عدد المساهمات : 326 تاريخ التسجيل : 19/04/2009 العمر : 40
موضوع: طريقة صيد سمك الزنجاريا الخميس مايو 28, 2009 6:49 pm
حنتكلم النهارده عن سمكة مش كل الصيادين يعرفوها لان ليها طريقة صيد خاصة بيها ومش كل الناس بتحب انها تنزل على نوع سمك واحد بس لكن احب اقولكم ان السمكة دي لما بتدخل الواحد بياخد منها مش اقل من 2 او 3 كيلو في خلال ساعتين مش حطول عليكم سمكتنا النهارده هي
الزنجاريا
سمكة الزنجاريا من الاسماك المهاجرة بمعنى ان ليها موسم معين كل سنة بتبقى موجوده فيه في مصر
موسم الزنجاريا
من كام سنة كده كان موسم الزنجاريا يبدأ من اول مارس لغاية اخر ابريل لكن دلوقتي الزنجاريا بتدخل من نص يناير لغاية اخر مايو
والزنجاريا من الاسماك النهارية يعني بتتغذي طول فترة النهار وبالليل بتدخل مسافات جوة عرض البحر وتفضل لغاية اول ضوء وترجع تاني للشط وهي من الاسماك اللي بتعيش في اسراب كبيرة تحت سطح المية على طول
طرق صيد الزنجاريا
صيد الزنجاريا ممكن بالبوصة اليد او بالبوصة والماكينة ولكن استخدام البوصة اليد غير مجدي مع ان ممكن تاخد منها كمية معقولة بس ده بيكون بالصدفة لان الزنجاريا مش بتدخل لغاية الشط بس بتكون على مسافات قريبة
البوصة والماكينة
زي ما قلنا ان الزنجاريا من الاسماك العائمة يعني انها بتعيش وتتغذى تحت سطح المية مباشرة يبقى علشام نصطادها لازم نستخدم فلة وعلشان نستخدم فلة مع الماكينة يبقى لازم تكون كبيرة علشان كده بنستخدم شمندورة زمان كنا بنصطاد الزنجاريا بالشمندورة بس لكن اكتشفنا انها مش عملية لانها بتكون تقيلة على السمكة ومش بتقدر تسحبها علشان كده – الله يباركلة اللي اكتشف الطريقة دي – بقينا نستخدم الشمندورة ومعاها فلة صغيرة زي اللي بنستخدمها في البوصة اليد
نبتدي نجهز للصيد
الشعر الاساسي 40
بتركب الشمندورة على الشعر الاساسي على طول وتحط تحتها الرصاصة بتاعتها مع مراعاة انك ما تسيبش مسافة بين الشمندورة والرصاصة تركب تحت الرصاصة على طول مدور وتركب فيه شعر نمرة 30 طولة حوالي متر ونص تركب الفلة العادية على الشعر ال30 وتركب الرصاص الشريط شعر الفروع لا يزيد عن 20 نعمل سلاحين نمرة 7 اطوالهم نص متر ومتر الا ربع
الطعم المستخدم
جمبري برغوت جمبري عقر مقشر
ولاحظ انك لازن تظفر للسمكة بعيش قبل ما تبتدي ترمي وترمي الظفر بعيد على قد ما تقدر
اطعم الجمبري وسمي وارمي حتلاقي الشمندورة والفلة الصغيرة جنب بعض ملكش دعوة بالشمندورة خلي عينك على الفلة الصغيرة لو غمزت سيبها غمزت تاني سيبها برضه حتلاقيها راحت بيها رد في السمكة على طول حتلاقي الجوز طالعين معاك ويفرحوك ان شاء الله اشهر اماكن صيد الزنجاريا
طول ساحل اسكندرية
كده نكون خلصنا الزنجاريا ومعادنا مع سمكة تانية ان شاء الله
Monty عضو مبتدئ
عدد المساهمات : 149 تاريخ التسجيل : 21/04/2009
موضوع: رد: طريقة صيد سمك الزنجاريا الجمعة مايو 29, 2009 10:17 am
شكرا على هذه المعلومات السمكية يا قبطان انا لسة مصتاد سمكة من النوع دة وجبتها معاية
