عدد المساهمات : 326 تاريخ التسجيل : 19/04/2009 العمر : 40
موضوع: تعلم كيفية عمل عجينة الصيد الأربعاء مايو 27, 2009 10:59 am
طرق عمل العجينة
اولا عجينة العيش
ودي بتكون عبارة عن لبابة العيش الفينو ومعجونة بماء فقط كل ما تحس انها ناشفة اديها مية لغاية ماتبقة عجينة لينة ومتماسكة بس ولما تخلص حط نقطتين زيت وبس واعجنها تاني وبكده تكون جاهزة
الطريقة دي بنسميها العجينة البارده لانها مش بنستخدم النار فيها وكمان العجينة دي مش بتنفع لكل الاسماك يعني ممكن تنفع للبطاطا والشراغيش والموزة لكن للبورى لأ
ثانيا عجينة الدقيق
ودي ليها نوعين
عجينة ناشفة وبتكون عبارة عن كوب دقيق تحطة في طاسة وتقلبه على نار هادية لغاية لما الدقيق لونة يتغير بيبقى كريم كده بس خلي بالك متخليش الدقيق يتحرق منك بعد كده ضيف المية مرة واحده وقلب لغاية ما تنشف وتلاقيها كتلة واحده ولو حسيت انها ناشفة زاده زود مية بس شوية صغيرين
فيه بعص الصيادين بيحطوا مية بسكر وبيسموها عجينة بسكر ودي بتنفع كتير مع البوري
عجينة سايحة وطريقتها نفس الطريقة اللي فاتت بس بتزد المية شوية يعني تخليها كباة ونص كده ومتسيبهاش كتير على النار علشان متنشفش منك وبرضه ممكن تعملها بسكر
بس مش المهم انك تعرف تعمل العجينة المهم انك تعرف تطعمها في السلاح لانك لازم تستخدم بقك بحيث انك تاخد حتة عجينة في بقك وتكورها بلسانك وتحط السلاح في بقك وتلف العجينة على السلاح مش سهلة في الاول بس بعد كده بتعملها وانت مغمض
Monty عضو مبتدئ
عدد المساهمات : 149 تاريخ التسجيل : 21/04/2009
موضوع: رد: تعلم كيفية عمل عجينة الصيد الأربعاء مايو 27, 2009 3:20 pm
شكرا على هذه المعلومات القيمة وبجد شجعتنى انى اجرب هواية الصيد وناااااايس عجينة
