تعليم الصيد

موضوع: تعليم الصيد الأربعاء مايو 27, 2009 10:45 am

علشان تبتدي صح
لازم تتعلم صح
ابتدي بالبوصة العادية (من غير ماكينة) وده له اسبابه
انك في الصيد العادي بتحس بكل حركة السمكة بتعملها من اول ما تشكمها لغاية ما تبقى في ايدك باذن الله
وبكده تتعلم ازاي تسايس السمكة وتتعبها
وعلشان تصطاد بالماكينة لازم حد يعلمك لانها في الاول صعبة شوية
لكن بعد كده بتلاقيها سهلة جدا

العدة اللي بتحتاجها في الصيد بالبوصة العادية
بوصة - شعر (خيط) - فلة - رصاص (تقل) - سنانير احجام مختلفة

وطبعا طعم واتوكل على الله
ومتنساش تاخد معاك حاجة تحط فيها السمك
ههههههههههههههههه
ربنا يرزقك وكل الصيادين ان شاء الله
ولما تروح تصطاد في الاول اختار مكان يكون جنب صياد كبير لانك حتستفيد منه كتير ولاحظ هو بيعمل ايه وحاول تعمل زيه
وفي المرة التانية اختار واحد تاني واتعلم منه برضه
بس في الاخر اختار اسلوبك انت والطريقة اللي تريحك
وده حييجي مع الخبرة
واخيرا
لازم تعرف قبل ما تبتدي تصطاد
ان الصيد رزق من ربنا
ماتملش ولا تزهق
رزقك جايلك جايلك
ان شاء الله

ScOrPiOnE

بجد شكرا على الموضوع دة
انا من زماااااااان وانا نسفى اتعلم الصيد
علشان عندنا فى البيت 4 احواض سمك ومش عارف اصتاد منهم سمكة

تسلم مجوداتك ياحسن
تسلم ايديك بجد موضوع
اكثر من رائع

» تعلم كيفية عمل عجينة الصيد