عصيدة جميلة فى الرئيس

بسم الله الرحمن الرحيم

اخر قصائد احمد فؤاد نجم

عصيدة جميلة فى الرئيس 204746771_adb86a1efc_m

نؤيد سيادتك لفترةجديدة

نكمل خلالها المسيرة السعيدة

و بالمرة فيها نبيع الحديدة

مفيش حاجة تانية نبيعها خلاص

*****

نؤيد سيادتك لأجل المزيد

من اللي تحقق بفضلك أكيد

بقينا خلاص ع الحميد المجيد

و ربك لوحده ف ايده الخلاص

*****

نبايع سيادته ولا حد غيره

كفايا علينا نبرطع في خيره

و نوم شعب مصر العظيمة و شخيره

يقول للحرامي ما تسرق كمان

*****

نبايع سيادته وابنه وحفيده

مفيش زي فكره قديمه و جديده

خرابك يا مالطة حيحصل بايده

ومين فيكي يعني بيسمع آذان

*****

نبوس ايد سيادتك و رجلك كمان

تخليك معانا يا ريس عشان

وجودك ضرورة فرضها الزمان

و من غير وجودك حقيقي نضيع

*****

دي مصر بتاعتك و احنا ضيوفك

كفايا علينا يا ريس نشوفك

و عاذرين سيادتك و فاهمين ظروفك

عليك بس تؤمر و احنا نطيع

*****

في جزمة سيادتك كلابك يبوسوا

و فوق الغلابة بجزمهم يدوسوا

و شعبك ليلاتي يا ريس غموسه

مذلة و مهانة و حوجة و مر

*****

لكن يعني ما دمنا شعب انتساب

و دايما وأبدا ف حالة غياب

متعملش لينا يا ريس حساب

دي عزبة سيادتك و فيها انت حر

*****

و دستور مدستورش مش فارقة خالص

كلام فاضي كله يا فندم بناقص

كفايا علينا الفساد اللي ماصص

عرقنا و معشش و ضارب جذوره

*****

و ايه يعني تهري جتتنا البلاوي

يوماتي كوارث فضايح رشاوي

كفايا علينا القعاد في القهاوي

بنستنى لما الوريث ييجي دوره

نؤيد سيادتك

نبوس ايدك انت يا مونتى اسكت ومتودناش فى داهية بلاش ضرب النار دة وابعد عن حسنى وغنيلة وملكش دعو بعلاء ولا جمال Very Happy

عصيدة جميلة ياريت بلاش تتكرر

[center]

» عصيدة شعرية جديدة بعنوان احبك من روائع اشعارى
» وفاة محمد علاء حفيد الرئيس مبارك الله يرحموا
» قصيدة كتبها الرئيس الراحل الشهيد صدام حسين في المعتقل